Return to main page for Stiblinus.| See the page images at BSB Munich.
| Et genere et studiis Sophiae clarissime SIMON, | |
| Dotibus ac uariis suspiciende FABER: | |
| Caesareos inter proceres par nobile, uterque | |
| Praesidium uestri GASPARIS, atque decus: | |
| EVRIPIDIS nuper praegrandia scripta poetae, | |
| Romana indueram uersa Latina toga: | |
| Cuius sensa quidem non aspernanda, Patroni, | |
| Accipite his breuibus significata notis. | |
| Hecaba | Tot regum quondam genitrix Hecaba, at modo ferua, |
| Ne lubricis hominum fidite rebus, ait. | |
| Orestes | Non bene pacatae simulacrum praebet Orestes |
| Mentis, quam furiae nocte dieque premunt. | |
| Phoenissae | Quo ducat miseros demens discordia ciues, |
| [10] Id fratrum docuit mutua pernicies. | |
| Medea | Quam grauiter coniunx malefido infensa uiro sit, |
| Medeae in uitam pellicis ira mouet. | |
| Hippolytus | Indicat Hippolytus, quantas mala femina [>foemina] clades |
| Saepe det, indomitis dilaniatus equis. | |
| Alcestis | Exprimit egregium matronae exemplar honestae, |
| Coniugis Alcestis nomine prompta mori. | |
| Andromache | Cernis in Andromache magna, atque uiragine digna: |
| Rursus in Hermione cuncta pudenda uides. | |
| Supplices | Indigne afflictos semper defendite reges, |
| Caesorum matres id monuere ducum. | |
| Iphigenia in Aulide | Iphigenia tibi patriae commendat amorem, |
| Quotque habeat curas regia uita docet. | |
| Iphengenia Taurica | Barbariae ritus, uitam et sine lege ferinam, |
| A Tauris furtim ducta puella refert. | |
| Rhesus | Quam graue Martis opus, quam anceps sit et alea belli, |
| Cernis in Odrysio non sine luce uiro. | |
| Troades | Iliades patriae flentes miserabile fatum, |
| Quis sint foeta malis bell cruenta, monent. | |
| Bacchae | Seruabis patrias cum religione [>relligione] parentum |
| Leges, si Penthei tristia fata leges. | |
| Cyclods | Qui templis* diuis audent immania, tantum |
| Ventres, Cyclopum de grege sunto tibi. | |
| Heraclidae | Thesides profugos defendens Hercule natos, |
| Verae hoc amicitiae est, et pietatis opus. | |
| Helena | Mirum Helenae fatum, est superata pericula Atridae, |
| Cuncta Dei perhibent consiliis fieri. | |
| Ion | Desperate animis trepidis nihil, id docet Ion, |
| Qui colitis recta numina sacra fide. | |
| Hercules Furens | Quam sit apud uulgus pulchris mala gratia factis, |
| Exemplo Alcides indicat ipse suo. | |
| Perpetuo sors egregiis inimica uiris est, | |
| Id domita Alcidae plurima monstra docent. | |
| Vita hominis trochus, et rerum durabile nil est: | |
| Summa, cothurnati id noscere uatis opus. | |
| I nunc, et clama nugas et uerba canora | |
| Tantum, quae uates concinuere sacri. | |
| Τέλος. |
Return to main page for Stiblinus.